Diwrnod Darganfod Digidol

Bydd Heddlu Dyfed-Powys yn archwilio bygythiadau seiber a bygythiadau ar-lein cyfredol sy’n effeithio ar gymunedau a sefydliadau lleol, yn datgelu’r dulliau a’r tactegau a ddefnyddir gan droseddwyr, ac yn darparu cyngor ymarferol i’ch helpu i ddiogelu’ch teuluoedd a’ch sefydliadau.

Llesiant Delta Wellbeing yw Cwmni Masnachu Awdurdod Lleol sy’n eiddo i Gyngor Sir Caerfyrddin, sy’n darparu gwasanaethau monitro, ymateb a llesiant 24/7 i helpu pobl i fyw’n ddiogel ac yn annibynnol gartref.

Mae Delta Direct yn defnyddio atebion TEC syml ac effeithiol, megis llinynnau bywyd, larymau personol a synwyryddion cwympo, ynghyd â gwasanaeth ymateb wyneb yn wyneb a galwadau llesiant rhagweithiol i ddarparu tawelwch meddwl, ymyrraeth gynnar a chymorth parhaus, gan helpu pobl i aros yn gysylltiedig ac yn hyderus yn eu cartrefi eu hunain, ac wrth fod tu allan.

Mae’r rhaglen AI: Gwella, Nid Disodli yn cefnogi pobl i feithrin hyder wrth ddefnyddio AI i gefnogi dysgu ac ymarfer proffesiynol. Mae’n canolbwyntio ar ddefnyddiau moesegol, ymarferol a chreadigol o AI, gan ddangos sut y gall technoleg arbed amser, gwella dysgu ac ysgogi syniadau newydd, tra’n atgyfnerthu bod barn ac arbenigedd dynol yn parhau’n ganolog.

Mae’r cyflwyniad hwn yn archwilio sut y gall creu botiau AI syml gyda phlant annog chwilfrydedd, creadigrwydd a datrys problemau. Mae’n tynnu sylw at ddysgu drwy chwarae, sgyrsiau am dechnoleg ym mywyd bob dydd, a sut y gall arbrofi ymarferol gydag AI helpu pobl ifanc i feithrin hyder, meddwl beirniadol a dealltwriaeth ystyriol o offer digidol.

Iechyd digidol

Defnyddio offer EGYM a thechnoleg ddigidol ar gyfer ffitrwydd ac iechyd

Darganfyddwch sut y gall Cynhwysiant Digidol Cymru gefnogi sefydliadau o unrhyw sector i wella cynhwysiant digidol i gydweithwyr, cwsmeriaid a chleientiaid, gan alinio â’r Safon Byw Ddigidol Isaf a dod yn rhan o Gynghrair Cynhwysiant Digidol Cymru.