Mae'r Cronfeydd Cynhwysiant Digidol (DIF) wedi cael eu darparu gan gyflenwyr prosiectau a ariennir gan gyllid cyfalaf ac maen nhw'n helpu i gryfhau gwasanaethau, cyrraedd mwy o bobl a chefnogi'r rhai sydd â'r angen mwyaf.

Mae'r mentrau amrywiol yn cynorthwyo o ran cynnal sesiynau digidol gan alluogi elusennau a grwpiau cymunedol i brynu dyfeisiau i wella mynediad digidol, mynd i'r afael ag allgáu a gwella'r gwasanaethau y maent yn eu darparu. Mae'r sefydliadau canlynol wedi derbyn Cronfeydd Cynhwysiant Digidol i gefnogi eu gwaith yn y gymuned.

Wedi'i ariannu gan Virgin Media O2:

  • Age Cymru Dyfed

  • Helpu Sir Benfro i fod yn Ddigidol

Wedi'i ariannu gan BT:

  • PLANED – Canolfan Byw'n Dda Caerfyrddin

  • Faith in Families – Abertawe

  • Clwb Bechgyn a Merched Castell-nedd

Yn ogystal â chefnogi sefydliadau cymunedol, mae BT hefyd yn gweithio gyda Chyngor Sir Penfro i ystyried creu lleoliadau hyfforddiant â thâl i drigolion lleol sy'n wynebu rhwystrau i gyflogaeth. Byddai'r fenter yn darparu profiad ymarferol gwerthfawr, yn helpu cyfranogwyr i ddatblygu sgiliau digidol a sgiliau gweithle, ac yn creu llwybrau i gyfleoedd cyflogaeth yn y dyfodol.

Mae amrywiaeth o sefydliadau hefyd wedi elwa ar bum mlynedd o fand eang ffeibr llawn am ddim fel rhan o'r gwerth cymdeithasol a gynigir drwy brosiect Ffeibr Tywyll yn y Dwyrain mewn partneriaeth â Virgin Media O2.

  • The Sunflower Lounge

  • Llyfrgell Gymunedol Taibach

  • Mosg Abertawe

  • Canolfan Gymunedol De Penlan

  • Helpu Sir Benfro i fod yn Ddigidol

  • Hwb Cymunedol Fi, Fy Hun a Fi

Mae'r cymorth hwn yn helpu i leihau arwahanrwydd, galluogi mynediad at wasanaethau ar-lein hanfodol a darparu gwell cyfleoedd addysg a chyflogaeth.

Mae'r rhaglen hefyd yn cefnogi ystod o fentrau sydd wedi'u cynllunio i gryfhau sgiliau digidol a lleihau rhwystrau i fynd ar-lein. Trwy waith sy'n gysylltiedig â'r Sefydliad Cenedlaethol ar gyfer Chwaraeon ac Iechyd, roedd Vodafone wedi rhoi cardiau SIM ac mae dyfeisiau wedi'u hadnewyddu ar gael trwy The Good Things Foundation, gan helpu unigolion i oresgyn tlodi data a chadw mewn cysylltiad.

Mae'r gwerth cymdeithasol ychwanegol sy'n cael ei gynnig gan ITS fel rhan o brosiect Ffeibr Tywyll Sir Gaerfyrddin yn rhoi rhagolygon cadarnhaol i gymunedau'r rhanbarth. Dywedodd y Cynghorydd Rob Stewart, Arweinydd Cyngor Abertawe a Chadeirydd Cyd-bwyllgor Bargen Ddinesig Bae Abertawe:

Mae ein hymrwymiad i sicrhau gwerth cymdeithasol yn ganolog i'r contractau rydyn ni'n cytuno arnynt gyda chyflenwyr. Rydyn ni wedi gweld cydweithio gwych rhwng ein hyrwyddwyr digidol lleol a'r cwmnïau sy'n gwella seilwaith digidol ein rhanbarth, ac mae'n braf gweld sut mae hynny bellach yn cael effaith gadarnhaol ar elusennau, grwpiau cymunedol ac unigolion. Mae'r gwerth cymdeithasol sy'n cael ei ddarparu yn helpu i gryfhau gwasanaethau, gwella sgiliau digidol, a chefnogi dyfodol digidol mwy cynhwysol i bobl leol.
Cynghorydd Rob Stewart, Cyngor Abertawe

Er mwyn darllen mwy am y sefydliadau cymunedol sydd wedi elwa ar gyllid gwerth cymdeithasol y Rhaglen Seilwaith Digidol, ewch i'r dudalen Gwerth Cymdeithasol.

Os ydych chi'n elusen neu'n gwmni buddiannau cymunedol yn ardal Abertawe neu Gastell-nedd Port Talbot sy'n cefnogi cynhwysiant digidol, mae cyfle o hyd i dderbyn band eang Virgin Media Business AM DDIM am 5 mlynedd (hyd at gyflymder lawrlwytho o 1000mbps!).

I gael rhagor o wybodaeth am hyn ac i gyflwyno mynegiant o ddiddordeb, cysylltwch â'ch Hyrwyddwr Digidol lleol.