Mae’r Rhaglen Seilwaith Digidol yn ymwneud â mwy na dim ond adeiladu rhwydweithiau, mae’n ymwneud â chreu cyfleoedd ac effaith barhaol. Mae pob cyflenwr yr ydym yn gweithio gyda wedi ymrwymo i fuddsoddi mewn prosiectau sy’n dod â buddion gwirioneddol i bobl a chymunedau lleol.
Mae gwerth cymdeithasol yn rhan graidd o bob contract, ac wrth fynd y tu hwnt i seilwaith, rydym yn helpu i gau’r bwlch digidol drwy gefnogi mentrau sy’n darparu dyfeisiau am ddim, hyfforddiant sgiliau digidol, a band eang am ddim ar gyfer canolfannau cymunedol.
Gyda’n gilydd, rydym yn adeiladu dyfodol digidol cynhwysol lle gall pawb gysylltu, cymryd rhan, a ffynnu.
Prosiectau yn ein rhanbarth
-
Age Cymru DyfedI lawer o bobl hŷn, gall y byd digidol deimlo braidd yn anodd ei gyrraedd. Mae prosiect Age Cymru Dyfed yng Nghaerfyrddin yn newid hynny — gan ddarparu mynediad at ddyfeisiau a chymorth ymarferol, cyfeillgar i helpu pobl i aros yn gysylltiedig, arbed arian ac archwilio’r byd o gysur eu cartrefi eu hunain. Darganfyddwch sut mae’r fenter bwysig hon yn gwneud gwahaniaeth gwirioneddol. -
The Sunflower LoungeYn The Sunflower Lounge yng Nghastell-nedd Port Talbot, mae pobl ifanc sy’n gadael gofal ac eraill sydd mewn perygl o fod yn ddigartref bellach yn cael mynediad at fand eang ffibr am ddim — gan roi’r offer digidol sydd eu hangen arnynt i ennill sgiliau, cysylltu â’u cymuned a chreu dyfodol mwy disglair. Darganfyddwch sut mae’r cymorth trawsnewidiol hwn yn gwneud gwahaniaeth gwirioneddol. -
Llyfrgell TaibachPan wynebodd Llyfrgell Gymunedol Taibach yng Nghastell-nedd Port Talbot y perygl o gau, camodd gwirfoddolwyr lleol i’r adwy — ac erbyn hyn mae’r llyfrgell yn ffynnu. Gyda band eang ffibr am ddim am y pum mlynedd nesaf, mae’n gallu cynnal sesiynau cymorth digidol, cynnig mwy o wasanaethau ac aros ar agor fel calon y gymuned. Darganfyddwch sut mae’r rhyngrwyd cyflymach yn helpu i’w gwneud yn llewyrchus. -
Mosg SwanseaYn Mosg Abertawe, diolch i gysylltiad band eang ffibr am ddim am bum mlynedd, mae’r mosg yn datblygu’n fwy na lle i addoli — mae’n ganolfan lle gall pobl leol gael cymorth ar-lein, meithrin sgiliau digidol a chysylltu â’r byd ehangach. Darganfyddwch sut mae’r gwasanaeth hanfodol hwn yn gwneud gwahaniaeth gwirioneddol. -
Canolfan Gymunedol De PenlanMae Canolfan Gymunedol De Penlan, sydd yng nghanol ei chymdogaeth, yn cynnig cymorth ymarferol a lle cynnes a chroesawgar i bobl o bob oedran. Yn sgil cael pum mlynedd o fand eang ffeibr am ddim, mae'r ganolfan yn gweithredu fel hwb digidol ac yn rhoi ffyrdd newydd i blant yn ei Chylch Meithrin ddysgu ac archwilio ar-lein. Ewch ati i ddysgu sut mae'r cysylltedd hwn yn gwneud gwahaniaeth go iawn. -
Sefydliad Cenedlaethol ar gyfer Chwaraeon ac IechydY tu hwnt i ymchwil 5G arloesol, mae'r prosiect hwn yn helpu cymunedau i gadw mewn cysylltiad. Mae Vodafone wedi rhoi 3,000 o gardiau SIM a, thrwy ei bartneriaeth â'r Good Things Foundation, mae'n darparu dyfeisiau wedi'u hadnewyddu i'r rhai sydd â’r angen mwyaf. Gyda dros 30 o fannau dosbarthu lleol, mae'r cymorth hwn yn lleihau tlodi data, yn meithrin hyder digidol, ac yn cynnig cyfleoedd newydd ar draws Rhanbarth Bae Abertawe. -
Helpu Sir Benfro i fynd yn ddigidolMae bywyd yn symud ar-lein – o archebu apwyntiadau meddyg teulu i gadw mewn cysylltiad â’r rhai agos. I’r rhai heb y dyfeisiau cywir na’r wybodaeth, gall hyn deimlo’n frawychus. Bydd y Ganolfan Integredig Gymunedol Living Well newydd yn rhoi cyfle i drigolion roi cynnig ar dechnoleg addasol, cael cymorth ymarferol, a darganfod atebion sy’n gwneud bywyd bob dydd yn haws ac yn fwy diogel.
